Fegurðarsamkeppnin

Ég fór á Fegurðarsamkeppni Íslands í gærkvöldi á Broddway ein af barnabörnum mínum tók þátt í keppninni. Amma var auðvitað meiriháttar stolt af stúlkunni sinni sem á 19. ára afmæli í dag.  Hún var sjálfri sér og öllum til sóma, stóð sig líka frábærlega í prófunum og útskrifast sem stúdent í haust.  Glæsileg stúlka greind og hæfileikarík.

Til hamingju Fríða Sól mín.

Ég vil líka monta mig á 11 barnabörn öll heilbryggð og góð. 3 búsett í Hamborg 1 í Hollandi , 2 í Garðabæ og hin hér á Akranesi.

"Gerum hina ríku ríkari" einkunnarorð nýrrar ríkisstjórnar

 Ríkisstjórnin á að koma saman á Bessastöðum kl. 2 í dag. Það hefur ekki vantað upp á kossaflensið á milli stjórnarherrana Geirs og Ingibjargar, hvað skyldi Inga Jóna segja við þessu?  Svo kemur algjört bla bla bla í stefnuyfirlýsingu flokkanna í nýju ríkisstjórninni.  Algjört innihaldslaust  húmbúkk að mínu mati.  Eins og Ingibjörg Sólrún sagði í Kastljósi í gærkvöldi þá er þessi ríkistjórn ekki mynduð um landbúnað eða sjávarútveg, hún er mynduð um velferð fólks.

Sem sé ekki fólksins sem býr við bág kjör eftir að kvóti og skip voru og eru að seljast frá Kambi á Flateyri eða fólks sem í öðrum byggðalögum hefur og er að missa allt sitt vegna kvótastefnu Sjálfstæðisflokksins og vegna stórkostlegrar eignaupptöku fólks á landsbyggðinni. Skildu Einararnir að vestan vita af þessu eða eru þeir bara slegnir yfir fréttunum ?

Frábær hnitmiðuð mynd Sigmundar í MBL. í dag þar sem Einar Kristinn sjávarútvegsráðherra, sem er teiknaður sem jólasveinn, stendur uppi á kössum merktum Kambi  og fiskverkakerlingarnar og karlarnir standa og mæna upp á hann með hnífa og fiska og Einar segir

"Ég kem alveg af fjöllum eins og þið sjáið, eitt veit ég þó í minn grautarhaus, að þetta er hvorki kvótakerfinu né hagstjórninni að kenna, það hefur okkur sveinkunum verið innprentað frá barnsaldri."  Já Einar kristinn og Einar Oddur hafa aldrei vitað eða skilið eitt eða neitt sem við kemur þessu arfavitlausa kerfi, nema því hvernig á að braska með það, og gera hina ríku ríkari.

En hugsið ykkur háðungina sem þessi nýja ríkisstjórn sendir yfir fólkið í landinu.  Heilar 4 línur fyrir landbúnað og Heilar 2 og 1/2 lína fyrir sjávarútveginn í stjórnarsáttmálanum sem við kemur tveim af undirstöðuatvinnuvegum þessa lands. " Tryggja skal stöðugleika í sjávarútvegi." Hvað segir þetta okkur? Jú það á að festa kvótakerfið í sessi þannig að menn geti áfram haldið á að svindla  og ná miljörðum og miljörðum ofan af þjóðarauðnum í eigin vasa og fara með alla fjármunina úr landi, því látið ykkur ekki detta til hugar að þeir séu geymdir í bönkum hér.  Nei menn plotta með þjóðarauðin, eign okkar allra landsmanna, að eigin vild en almenningur má éta það sem úti frís.  Það eru heilar 12 línur um innflytjendamál, sem mátti ekki frekar en sjávarútvegs umræðan fara fram fyrir kosningar.  Samkvæmt nýja sáttmálanum þá meiga menn vinna fyrir einhverja hungurlús þegar þeir eru 70 ára og eldri án skerðing og þegar og ef aðstæður leifa segir þar.  Sér er nú hver ofrausnin. Ég segi ekki annað en Guð hjálpi  okkur landsmönnum með þessa ríkisstjórn hangandi yfir okkur, sem kemur til með að hugsa um sérhagsmuni ekki almannaheill.  þetta fólk er eina ferðina enn að hugsa bara um stóla.  Hvernig getum við gert hina ríku ríkari það verður  yfirskrift þessarar ríkisstjórnar.

Einar Oddur á stöð 2 í kvöld

Já nú er hér fyrsta bloggfærslan mín og hún kemur í kjölfar viðtals á stöð 2 við Einar Odd þingmann Vestfirðinga þar sem "Kappinn" leit varla upp og í mínum huga var eins og púkinn á fjósbitanum sem hefur verið stungið gat á og allt loft úr karli.  En hann hafði þetta um málefni Flateyrar að segja að það yrði að fá  rökræður frjálsra vísindamanna með líffræðilega þekkingu"það yrði að hlusta á þá, því að hann gaf til kynna að ekkert mark væri lengur takandi á Hafró, fiskunum hafi ekki fjölgað í sjónum.  Friða, friða og friða en árangur enginn. Þetta voru hans orð um fiskveiðistefnuna, í mínum huga grafskrift Einars Odds yfir kvótakerfinu. Jæja loksins "batnandi manni er best að lifa" Svo kom að það þyrfti að laga fjármála- og vaxtastöðuna í landinu,breyta peningastefnunni, hann heldur sig enn við gamla drauginn "gengisfellingu" hvernig virkar það fyrir íbúana að fá gengisfellingu í ofanálag.  En svo kom rúsínan í pylsuendanum, jú það þarf núna að ræða um Kvótakerfið inn á Alþingi.  Af hverju sagði maðurinn það ekki fyrir kosningar.  Af hverju hvatti Hinrik vinur hans og Einars Kristins alla til að kjósa x-D samt vissu þessir menn að Kambur mundi hætta og selja allt sitt. Er þessum mönnum ekkert heilagt  ef þeir fá atkvæði?  Þetta  vissu þeir Einararnir og Sturla og meir og minna allt sjálfstæðisgengið á Ísafirð fyrir kosningar.   Kompásþáttinn  þar sem rætt var um miljarða svind  og þjófnað út frá kvótakerfinu, af hverju mátti ekki ræða það í kostningabaráttunni, jú af því að það kom sjálfstæðismönnum illa.    En Einar Oddur viðurkenndi að Hinrik Kristjánsson og fjölskylda væri að innleysa  kvóta gróðan, hvort hann var fenginn með réttu eða röngu það dæma menn um en sagnir segja að hann hafi verið fengin með undanskoti og braski.  Einn eða tveir miljarðar til eða frá í innlausn á fé telst vera ansi mikið fyrir venjulegt fólk.  Ætli Flateyringum þyki þetta ekki ansi mikið fé þegar grunninum er kippt undan öllum íbúunum því það er ekki bara það að fólkið missi vinnuna, eignaupptaka er líka mikil fyrir hinn almenna Flateyring.  Íbúarnir eiga alla samúð mína.  Fölskylda mín hefur lent í því að missa vinnuna vegna sölu á skipi og kvóta úr byggðarlaginu sem sé á Vestfjörðum, það er ekki gott fyrir neinn að lenda í slíku og nú ætti Einar Oddur loks að hisja upp um sig buxurnar og stand með Frjálslyndum í að byggja upp landsbyggðina aftur og byrja á að breyta kvótakerfinu strax því allir sem vilja vita að þetta kerfi er bölvaldur  byggðana.