"Ræða málin" hvaða mál Einar?

Ef þú ætlar að ræða málefni Kvótakerfisins og áhrif þeirra á byggðirnar, þá er sú umræða þörf og fyrir löngu síðan. Ekki bara fyrirsláttur og rökleysa frá ykkar hendi sjálfstæðismanna, sem hafið haldið dauðahaldi í þetta vonlausa kerfi.  Umræða af ábyrgð fyrir byggðirnar og fólkið það er það sem þarf og ekki seinna en strax.  Ef þú ætlar að ræða tillögur Hafró þá er löngu  tímabært að gefa þeirri stofnun langt frí og góða starfslokasamninga. Ég bendi á góðan leiðara Morgunblaðsins í dag 2. júní.  Góð lesning fyrir þig Einar og þína samflokksmenn.

Sjávarútvegsráðherra: Þurfum að ræða málin af yfirvegun

Hafa menn ekki fylgst með sl. 20 ár?

Það er búið að friða og friða og hver er árangurinn? Eru menn á lyfjum eða hvað?

Náttúruverndarsamtökin skora á sjávarútvegsráðherra að fara að ráðgjöf Hafró

Áskorun á Samgöngumálaráðherra, gjaldið burt af göngunum.

Er ekki komin tími til að fella niður gjaldið af Hvalfjarðargöngunum?  Þetta gjald hamlar byggðaþróun í NV kjördæmi og fólksaukning gæti aukist mikið hraðar ef ekkert gjald væri og þar með aukin þjónusta og ýmis störf kæmu byggðum til góða.  Þessi gjaldtaka var barn síns tíma en er nú til háborinnar skammar, ríkið á að taka skuldir yfir og við sem búum á þessu svæði eigum ekki að vera annars flokks þjóðfélagsþegnar með auka skattlagningu, hvað sem svo líður öllum málatilbúnaði Spalarmanna og ríkisvaldsins.  Sturla Böðvarsson hafði ekki dug eða þor til að taka gjaldið af enda er búið að setja hann í sóttkví Sjálfstæðisflokksins . Hann gat ekki einu sinni staðið með sínum samflokksþingmanni Guðjóni Guðmundssyni um að fella niður gjaldið og hafi hann skömm fyrir og flokkur þeirra. Nú skora ég á nýjan Samgöngumálaráðherra að hafa það eitt af sínum fyrstu verkum að taka þetta gjald af og það helst strax. Allavega lofaði Guðbjartur Hannesson því fyrir kosningar að fella bæri niður gjaldið svo nýi ráðherrann er í sama flokki og Guðbjartur, svo loforðið verður hermt upp á þá.

Spölur ehf. hagnast um 89 milljónir

Er annað Tyrkjarán í uppsiglingu ?

Það er von okkar sem erum á móti kvótakerfinu að Vestmannaeyjingar vakni nú upp af doða sínum og komi undan feldinum og berjist á móti kvótakerfinu af fullu afli og láti ekki "Hund Tyrkjan" taka frá sér lífsbjörgina, Ég hef undrað mig mikið af hverju hefur ekki heyrst fyrr frá eyjaskeggjum? Ef að þeir koma með í baráttuna, þá mun svo sannarlega muna um þann slagkraft sem þeir búa yfir byggðunum til bjargar og afnámi "Hagræðingar andskotans". Sem sé kvótakerfinu. Burt með spillinguna og ráni á eigum og lífsbjörg fólksins.

"Þetta er bara græðgi, bara græðgi og ekkert annað"

"Hagræðing andskotans"

Reynir Traustason sagði í viðtali á útvarpi Sögu í morgun, við Jóhann Hauksson, að hagræðing innan sjávarútvegsins væri "Hagræðing andskotans" gagnvart sjávarbyggðunum og ég er gjörsamlega sammála því að kvótakerfið er orsök alls vanda sjávarbyggðanna, hvað svo sem stjórnarherrar berja hausnum við steininn, þeirra er skömmin og þeim mun svíða lengi undan. Ég segi bara guð hjálpi þeim þegar upp er staðið.

Guðjón Arnar: Fólk í sjávarbyggðum nýtur ekki raunverulegs jafnréttis

Hver tók baðið?

Var einhver íslenskur kvótagreifi staddur í eða nálægt Tókýó? 

Gullbaðkar hvarf sporlaust

Hver verður nú stefna Menntamálaráðherra?

Það er jú greinilegt á þessum svörum að háskólamenntun höfðar ekki til allra og ég segi nú bara guði sé lof, því að það þarf að leggja höfuðáherslu á verk- og handmennt í þessu landi, þó fyrr hefði verið og þessi könnun sýnir það, að karlmenn vilja enn vera smiðir.  Enda verður þetta þjóðfélag fljótlega ef svo horfir sem stefnan hefur verið hingað til að háskólamennta alla, þá verður þetta þjóðfélag eins og í Bandaríkjunum að allir fara að lögsækja alla, því það verður enginn sjávarútvegur eða landbúnaður til ef þessi ríkisstjórn verður lengi við líði  sem er spegilmynd á hinar  sem setið hafa í 12 ár.

Karlar vilja verða smiðir og lögfræðingar en konur hjúkrunarfræðingar eða læknar

Af hverju þefa þeir ekki upp kvótasvindlara

Er ekki tímabært að þefa uppi kvótasvindlara og hegna þeim sem hafa stolið marg-miljörðum af þjóðinni.  Ég hef ekki á móti því að fólki sé refsað ef það gerist brotlegt við lög en það er löngu tímabært að Dómsmálaráðherra kanni allt kvótasvindlið af nógu er víst að taka þar smbr. "Kompásþátturinn" þar sem Fiskistofustjóri viðurkenndi svindlið en Sjávarútvegsráðherra,þóttist ekkert vita og ætti   að vera í felum, og skammast sín. 

Ók undir áhrifum fíkniefna - lögregluhundur þefaði upp ólöglega vímugjafa

Farið inn á kristinnp.blogg.is

Mjög athyglisverð grein sem öllum er hollt að lesa.

Loksins loksins !

Loksins loksins er vorið komið, vonandi flensur og allskonar pestir á faraldsfæti burt frá landanum. Sólin skýn og birtan allan sólarhringinn nú fer að verða gaman að vera til og vaka frameftir og vakna snemma í alla dýrðina, blómin að koma villt upp úr haganum og grasið sprettur sem aldrei fyrr.  Landinn fer að drattast upp úr vetrar drunganum.  Og þá fer eitthvað að gerast ????