Er manninum ekki sjálfrátt?

Undan farna mánuði, og reyndar ár, hef ég fylgst með Árna nokkrum Matthiesen, Fjármálaráðherra og verð sífellt meira undrandi og hneyksluð á framkomu hans, hroka og lítilsvirðingu við land og líð.  Það virðist vera að maðurinn sjái ekki sín axasköft t.d. við ráðningu Þorsteins Davíðssonar,og t.d. málin á Reykjanesi, en þó keyrir um þverbak þegar  Árni lítilsvirðir opinberlega Umboðsmann Alþingis, en maðurinn Árni Matthiesen er ekki bara einhver maður, hann er ráðherra í Ríkisstjórn Íslands og þar af leiðandi opinber persóna sem getur ekki leift sér hvað sem er, hann ætti að sjá sóma sinn í  og biðja Umboðsmann Alþingis afsökunnar á orðum sínum og gjörðum, en nei nei Árni Matthiesen er svo hrokafullur að honum dettur ekkert slíkt í hug.

En hvað er Umboðsmaður Alþingis?

Hann er öryggisventill okkar borgarana á Íslandi og hefur einróma virðingu og viðurkenningu fyrir störf sín og við, ættum okkur litlar varnir gegn stjórnvaldinu og löggjafavaldinu ef hans nyti ekki við.  Umboðsmaðurinn er réttaröryggi okkar landsmanna og við almenningur getum leitað til hans ef brotið er á rétti okkar. Hann er sem sé öryggisventill okkar.

Ég verð að taka ofan fyrir Sturlu Böðvarssyni forseta Alþingis (þó almennt hafi ég nú ekki haft mikið álit á honum sem stjórnmálamanni) Sturla er maður að meiri í mínum huga, fyrir að setja ofan í við Árna Matthiesen fyrir svör hans og aðdróttanir til Umboðsmanns Alþingis.  Þar eina ferðina enn kemur ljóslega fram hroki og oflátungsháttur Árna, hann þarf ekki að biðjast afsökunar og þaðan af síður taka pokann sinn.

Ég skora á Alþingismenn að lýsa vantrausti á Árna Matthiesen fjármálaráðherra og fyrrum settan dómsmálaráðherra á Alþingi Íslendinga fyrir að vanvirða Íslenska þjóð , Alþingi og Umboðsmann Alþingis, ég vil sjá þingheim standa upp og lýsa vantrausti á slíkan mann, sem með gjörðum sýnum eykur vantrú fólks á Alþingi og alþingismönnum.  Er ekki nóg komið, ég bara spyr?

Athugasemdir

[Ásthildur Cesil Þórðardóttir, 30.3.2008 kl. 13:38]

Jú Ragnheiður það er nóg komið, og það er ekki spurning að hefði þetta verið einhversstaðar annarsstaðar en í kjánalandi hefði maðurinn verið látinn segja af sér, og það fyrir löngu síðan.

[Kidda (IP-tala skráð) 30.3.2008 kl. 18:49]

Takk fyrir síðast mín kæra.  Og endilega haltu áfram að blogga.

Er svo innilega sammála þér.

Knús á skagann

[Ragnheiður Ólafía Davíðsdóttir, 30.3.2008 kl. 21:22]

Sæl, nafna. Árni er ekki hátt skrifaður stjórnmálamaður hjá mörgum sem ég þekki innan raða sjálfstæðismanna. Það er heint með ólíkindum hvernig menn eins og hann geta komist til æðstu metorða og það sem meira er - haldið völdum þrátt fyrir að vera ekki, að mjög margra mati,  starfi sínu vaxnir, né hafa þá siðferðiskennd sem við hljótum að gera til stjórnmálamanna. Þetta gæti aldrei gerst nema á Íslandi. Því miður. Er ekki kominn tími til að almenningur krefjist afsagnar stjórnmálamanna þegar þeir opinbera sig á þann hátt sem Árni hefur nú gert - og reyndar oft áður?

[Ragnheiður Ólafsdóttir, 30.3.2008 kl. 22:27]

Sammála nafna, það er tímabært að almenningur láti heyra í sér um pólitíkusa sem standa sig ekki í stykkinu og láti þá fjúka og / eða krefjast afsagnar þeirra eða lýsa vantrausti á þá á Alþingi. Það er komið nóg af slíkum uppákomum hjá þessum svokölluðu ráðamönnum.

[Guðrún María Óskarsdóttir., 31.3.2008 kl. 00:31]

Sæl Ragnheiður og takk fyrir síðast.

Já það var dapurlegt af ráðherranum að þurfa að hnýta í Umboðsmann með þessu móti.

kv.gmaria.