Stór sigur í "Mannréttindamáli" loksins, loksins.

Ég verð að segja að ég er undrandi á hve lítið hefur verið fjallað  í opinberri umræðu um nýju lögin um almannatryggingar, sem voru afgreidd á síðasta degi Alþingis fyrir Páskafrí.  Þar var afgreitt eitt af stóru málum sem öryrkjar hafa sérstaklega  barist fyrir þ.e. afnám tekjutengingar við maka, það að tengja einstakling við maka hefur í mínum huga verið gróft mannréttindabrot. 

En loksins, loksins hefur réttlætið ná að sigra, Það mætti  svo sannarlega vera í fleiri málum.  En þetta er þó að minnsta kosti fyrsti vísir í þá átt að leiðrétta kjör öryrkja og aldraðra. 

Einstaklingar, þó þeir séu í hjónabandi hafa aldrei átt að vera einskonar viðhengi við maka það var mannréttindabrot í mínum huga.   Til hamingju öryrkjar og aldraðir sem þetta ákvæði í nýju lögunum á við um og gefur ykkur (sjálfstæðið) persónufrelsi aftur.

Jóhanna Sigurðardóttir lofar fleirri leiðréttingum  fyrir þessa hópa, við skulum vona að það standist ekki er seinna vænna  að lagfæra réttar stöðu þessara hópa, og þó fyrr hefði verið.

Athugasemdir

[Guðrún María Óskarsdóttir., 18.3.2008 kl. 00:30]

Sæl Ragnheiður.

Ég tek heilshugar undir þetta, það er með ólíkindum að menn skuli hafa komist upp með þetta öll þessi ár í raun.

kv.gmaria.

[Ása Hildur Guðjónsdóttir, 18.3.2008 kl. 01:03]

Já ég er algerlega sammála þér.

Ég varð öryrki fyrir 16 árum síðan sem var slæmt mál. En öllu verra þótti mér að missa sjálfstæði mitt sem einstaklingur við sama slys. Hef aldrei getað sætt mig við það og fagna ákaft þessum áfanga sem loks er í höfn.

Gaman að sjá þig birtast á ritvöllinn aftur

[Ásthildur Cesil Þórðardóttir, 18.3.2008 kl. 10:39]

Já þetta er spor í rétta átt, svo er að sjá hvort eitthvað kemur meira.  Eitthvað eru loforðin rír samt sem áður.  Gott að sjá þig hér aftur Ragnheiður mín.

[Ásthildur Cesil Þórðardóttir, 18.3.2008 kl. 10:43]

Mig langar að leiða ykkur tvö saman Ragnheiður mín, tveir kraftmiklir einstaklingar. http://icekeiko.blog.is/blog/icekeiko/entry/477663/#comment1180549

[Rósa Aðalsteinsdóttir, 18.3.2008 kl. 10:56]

Sæl og blessuð Ragnheiður.

Ég var inná bloggsíðu vinar míns Þórarins og þá hafði Ásthildur frænka mín og samherji sett inn slóðina þína þar.

Sammála því sem þú skrifar. Nú á tímum vill engin kona t.d. vera ósjálfstæður einstaklingur hvað varðar fjármál eins og það var í denn.  Ömurlegt að fólk hefur verið skert í launum hjá Tryggingastofnun vegna þess að það var í hjónabandi. Það var tími til að þessu væri breytt. Vonum að Jóhanna komi með fleiri breytingar okkur til handar. Mætti skipta um gír, þannig að við sjáum fleiri úrbætur sem fyrst. Ekki veitir nú af. (EIN ÓÞOLINMÓÐ)

Baráttukveður fyrir réttlætinu. Megi það sigra.

[Þórarinn Þ Gíslason (IP-tala skráð) 18.3.2008 kl. 11:23]

Sæl Ragnheiður.

Skrýtið að ekki vissi ég af þér og er að Blogga á svipuðum nótum og þú.En ég á góða að og Ásthildur benti mér á slóðina þína og er það vel.

Mér hefur fundist þetta  ákvæði  um tengingu maka svona jafngamalt og þegar menn settu fætur sína á þetta land  (" mitt er þitt og þitt er mitt")  og loksins er það úr sögunni  árið 2008,  jamm.  .En það er svo mikið ógert í þessum málum að það hálfa væri nóg.En svo segir máltækið.

Betra er seint en aldrei.

Lifðu heil.

[Kolbrún Stefánsdóttir, 18.3.2008 kl. 20:56]

Sæl Ragnheiður. Já mjór er mikils vísir stendur einhversstaðar og við skulum vona að fleira reki á fjörurnar meðan Jóhanna er ráðherra og getur haft áhrif á málefni aldraðra og öryrkja.

Það er vissulega fagnaðarefni að það verður ekki lengur refsivert fyrir öryrkja að eiga maka og á það bæði við um konur og karla. Tek undir að gaman er að sjá að þú ert komin fram á ritvöllinn aftur. Sjáumst fljótlega, bestu kveðjur Kolla.

[Ragnheiður Ólafsdóttir, 18.3.2008 kl. 22:08]

Kærar þakkir öll fyrir innlitið og viðbrögðin.

Já þar verður örugglega meira að heyra frá mér áður en langt um líður af nógu er að taka í mannréttindamálum og öðrum réttlætismálum svo að við sem höfum skoðanir og réttlætiskennd gagnvart náunganum látum vonandi í okkur heyra.

Hvenær tekur ríkisstjórnin t.d. á, áliti Mannréttindanefndar gagnvart íslensku sjómönnunum og kvótakerfinu.  Ég bíð spennt eftir því hvað kemur frá ríkisstjórninni í þeim efnum.  Ég bara spyr ?

[Ása Hildur Guðjónsdóttir, 21.3.2008 kl. 14:17]

 Gleðilega páska

[Sigurður Þórðarson, 23.3.2008 kl. 14:31]

Kæri bloggvinur, ég óska þér og þinum gleðilegra páska.